Monday, May 20, 2024
Other Poems

ବିଘ୍ନ ବିନାଶକ ଗୌରୀ ନନ୍ଦନ

  1. ବବିଘ୍ନନାଶନ ବନ୍ଦନ
    ରାଗ:–ରସକୁଲ୍ୟା
    (ବିଭୂଷଣ ପୁଷ୍ପେ ଯା କାନ୍ତି ଜାଣ ସ୍ୱରରେ)
    ———————————————-
    ବିଭୂଷିତ-ପୁଷ୍ପ ଗଜ ବଦନ,
    ବିଶାଳ ଉଦର ବକ୍ର ଆନନ,
    ବିଘ୍ନ ବିନାଶନ ଗୌରୀ କୁମର,
    ବନ୍ଦିତ-ପୟର ଦେବେ ଯାହାର ହେ,
    ବିବସ୍ୱାନ ତେଜଧାରୀ ହେ,
    ବିନାଶ କର ମୋ ସକଳ ବିପତ୍ତି ,କରୁଛି ପଦେ ଗୁହାରି ହେ !

    ବିଶ୍ଵ ବନ୍ଦିତ ଲେଖନୀ ଯାହାର,
    ବିବୁଧ-ପୂଜିତ ସଦା ପୟର,
    ବିଶାଳ ଭାରତ ଆଖ୍ୟାନ ଲେଖି,
    ବିସ୍ମିତ ହୋଇଲେ ବ୍ୟାସ ତା ଦେଖି ହେ,
    ବୁଦ୍ଧିରେ ଶୀର୍ଷ ମଣ୍ଡନ ହେ,
    ବିଦ୍ୟାଦାତା ମୋର ଅନ୍ଧକାର ଦୂର କର ବିଶ୍ୱ-ବିମଣ୍ଡନ ହେ।।

    ବାହନ ମୂଷିକ ପୃଷ୍ଠେ ଆରୋହି,
    ବିବର୍ତ୍ତନ କଲ ଜନକ ଦେହି,
    ବିବାଦେ କୁମାର ହେଲେ ନିଉନ,
    ବୋଇଲ “ପିତା ବ୍ରହ୍ମାଣ୍ଡ ସମାନ ହେ”,
    ବୁଦ୍ଧିମତାରେ ତ ଗରୁ ହେ,
    ବିଶ୍ଵେ ତୁମ୍ଭ ସମ କେ ହେବ ସମାନ ମହାକାୟ ବିଶ୍ୱଗୁରୁ ହେ !

Click to rate this post!
[Total: 0 Average: 0]

Leave a Reply